Madridning "Real" klubi yarim himoyachisi Jud Bellingem "Vilyarreal"ga qarshi uchrashuvda (1:0) Vinisius Juniorning maydondan chetlatilishiga keskin munosabat bildirdi.

Bahsning 71-daqiqasida braziliyalik qanot hujumchisi raqib darvozasini ishg‘ol qilib, madridliklarning ustunligini ikki to‘pga yetkazgan edi. Biroq oradan ko‘p o‘tmay, vaziyat butunlay o‘zgardi.

Bosh hakam videotakrorni ko‘rib chiqish jarayonida Vinisius raqib futbolchisining sochidan tortganini aniqladi. Natijada gol bekor qilindi, braziliyalik futbolchiga esa to‘g‘ridan-to‘g‘ri qizil kartochka ko‘rsatildi.

Madrid Zone nashrining xabar berishicha, jurnalistlar Bellingemning ushbu qarorga munosabatini lab harakatlariga qarab aniqlashgan. Angliyalik futbolchi qattiq g‘azablangan va haqoratli so‘zlar ishlatgan.

Uning gaplarini nisbatan yumshoq shaklda quyidagicha tarjima qilish mumkin:

"La’nati, bu o‘yin endi butunlay tugadi!"

Bellingemning noroziligiga hakamning Vinisiusni maydondan chetlatish va uning golini bekor qilish haqidagi qarori sabab bo‘ldi.