Madridning “Atletiko” o‘z klubi himoyachisi Shime Vrsalkoga yangi ikki yillik shartnoma taklif qildi.
Marca nashri xabariga ko‘ra, futbolchi taklifni ko‘rib chiqadi va yaqin kunlarda javob beradi.
Yangi shartnomaga ko‘ra, Vrsalkoning maoshi yiliga bir yarim million yevrogacha kamayishi mumkin. Avvalroq xorvatiyalik himoyachining yillik maoshi yiliga 3 million yevroni tashkil qilgandi.
Eslatib o‘tamiz, Vrsalko va "Atletiko" klubi o‘rtasidagi amaldagi kelishuv joriy mavsum oxirida yakuniga yetadi.
2018 yilning boshida xorvatiyalik futbolchi sotib olish huquqi bilan Milanning “Inter” klubiga ijaraga o‘tgandi, biroq jarohati sabab "Juzeppe Meassa"da o‘z o‘rniga ega bo‘la olmadi.
