Мадриднинг “Атлетико” ўз клуби ҳимоячиси Шиме Врсалькога янги икки йиллик шартнома таклиф қилди.
Marca нашри хабарига кўра, футболчи таклифни кўриб чиқади ва яқин кунларда жавоб беради.
Янги шартномага кўра, Врсальконинг маоши йилига бир ярим миллион еврогача камайиши мумкин. Аввалроқ хорватиялик ҳимоячининг йиллик маоши йилига 3 миллион еврони ташкил қилганди.
Эслатиб ўтамиз, Врсалько ва "Атлетико" клуби ўртасидаги амалдаги келишув жорий мавсум охирида якунига етади.
2018 йилнинг бошида хорватиялик футболчи сотиб олиш ҳуқуқи билан Миланнинг “Интер” клубига ижарага ўтганди, бироқ жароҳати сабаб "Жузеппе Меацца"да ўз ўрнига эга бўла олмади.
