Angliyaning “Lids” klubi muxlislari avvalroq jamoalarni Chempionshipdan APLga qaytargan sobiq bosh murabbiy Marselo Byelsaga minnatdorchilik bildirishdi.
Buning uchun muxlislar mahalliy nashrlardan birining reklama sahifasini sotib olishdi va o‘sha sahifa orqali argentinalik murabbiyga murojaat qilishdi.
“2018 yil avgust oyida biz yana nimanidir his qila boshladik. Futbol yana ajoyib, jamoamiz esa yana ajoyib bo‘lishi mumkinligini eslatdingiz. Siz bizga futboldan ko‘proq narsani berdingiz. Siz bizni pandemiyadan o‘tkazdingiz va bo‘linganimizda bizni birlashtirdingiz. Hammasi uchun rahmat, Marselo”, - deyiladi muxlislar xabarida.
