Англиянинг “Лидс” клуби мухлислари аввалроқ жамоаларни Чемпионшипдан АПЛга қайтарган собиқ бош мураббий Марсело Бьелсага миннатдорчилик билдиришди.
Бунинг учун мухлислар маҳаллий нашрлардан бирининг реклама саҳифасини сотиб олишди ва ўша саҳифа орқали аргентиналик мураббийга мурожаат қилишди.
“2018 йил август ойида биз яна ниманидир ҳис қила бошладик. Футбол яна ажойиб, жамоамиз эса яна ажойиб бўлиши мумкинлигини эслатдингиз. Сиз бизга футболдан кўпроқ нарсани бердингиз. Сиз бизни пандемиядан ўтказдингиз ва бўлинганимизда бизни бирлаштирдингиз. Ҳаммаси учун раҳмат, Марсело”, - дейилади мухлислар хабарида.
