Sadio Mane "Manchester Siti"ga qarshi o‘yin haqida o‘z fikrlarini bildirib o‘tdi. Senegallik futbolchining aytishicha, "Liverpul" to‘rtta sovrin uchun kurashishga tayyor.

“Biz uchun alohida kun. Dunyoning eng yaxshi jamoalaridan birini, yarim finalda ham mag‘lub etish juda muhim edi.

Uchrashuvni yaxshi boshladik. Ha, darvozabon mening golim bilan xato qildi. Biz uni bunga majbur qildik. Bu bizning uslubimiz.

Bizning orzuimiz - to‘rtta sovrin, biz buning uchun kurashamiz", - dedi senegallik.

"Liverpul" Angliya Liga kubogini qo‘lga kiritdi, kubok finali va Chempionlar ligasining yarim finaliga chiqdi. Ular APLda "Manchester Siti"dan bir ochko ortda qolmoqda. Angliya futboli tarixida bir mavsumda to‘rtta sovrinni qo‘lga kiritgan jamoa bo‘lmagan.