«Bavariya»ning boshqaruvchisi Oliver Kan Dortmundning «Borussiya» klubi hujumchisi Erling Xolandning ehtimoliy transferi haqida o‘z fikri bilan o‘rtoqlashdi.
«Holand - ajoyib hujumchi, ammo uning moliyaviy talablari bizning cho‘ntagimizni ko‘tarmaydi», - deya Kanning so‘zlarini keltirmoqda Sport1.de.
21 yoshli norvegiyalik futbolchining «asalarilar» bilan shartnomasi 2024 yilning yoziga qadar tuzilgan. Avvalroq, futbolchiga «Real» va «Barselona» klublari qiziqish bildirayotgani haqida xabarlar tarqalgan edi. Transfermarkt Xolandni 150 million yevroga baholangan.
Joriy mavsumda hujumchi «Borussiya» safida 26 ta o‘yin o‘tkazib, 25 ta gol va 8 ta golli uzatmaga mualliflik qilgan.
