«Бавария»нинг бошқарувчиси Оливер Кан Дортмунднинг «Боруссия» клуби ҳужумчиси Эрлинг Холанднинг эҳтимолий трансфери ҳақида ўз фикри билан ўртоқлашди.
«Ҳоланд - ажойиб ҳужумчи, аммо унинг молиявий талаблари бизнинг чўнтагимизни кўтармайди», - дея Каннинг сўзларини келтирмоқда Sport1.de.
21 ёшли норвегиялик футболчининг «асаларилар» билан шартномаси 2024 йилнинг ёзига қадар тузилган. Аввалроқ, футболчига «Реал» ва «Барселона» клублари қизиқиш билдираётгани ҳақида хабарлар тарқалган эди. Трансфермаркт Холандни 150 миллион еврога баҳоланган.
Жорий мавсумда ҳужумчи «Боруссия» сафида 26 та ўйин ўтказиб, 25 та гол ва 8 та голли узатмага муаллифлик қилган.
