Shvesiyalik hujumchi Zlatan Ibrahimovich jarohati tufayli tez-tez o‘yinlarni o‘tkazib yubormoqda. Shu sabab «Milan» tez-tez ochko yo‘qotayotgani va unga yordam bera olmasligi Zlatanni juda xafa qiladi.
ITASportPress nashri xabariga ko‘ra, shved futbolchi faoliyatini yakunlash haqida o‘ylamoqda, biroq hali yakuniy qarorga kelgani yo‘q.
Bu uning «Milan» bilan chempionlikni qo‘lga kirita olishiga bog‘liq bo‘ladi. Imkon bo‘lsa, Ibrahimovich butsasini ilib, sevimli klubidan qandaydir lavozimga ishga o‘tadi.
Agar imkoni bo‘lmasa, Zlatan klub bilan yana bir mavsum o‘ynaydi.
