Ispaniyalik jurnalist Toni Xuanmarti "Barselona" La Ligada o‘ynaydigan unchalik qimmat bo‘lmagan futbolchini izlashini aytdi.
Ayni damda Kataloniya klubining yagona chap qanot himoyachisi 33 yoshli Jordi Alba hisoblanadi. “Barselona” futbolchining yana bir necha mavsum yuqori saviyada o‘ynay olishiga ishonmoqda, shu bois uning o‘rniga munosib o‘rinbosar topishgina qoladi.
Klub ko‘p vaqtini zaxira o‘rindig‘ida o‘tkazadigan futbolchi uchun pul sarflashga tayyor emas. "Barselona" bepul shartnomasi bo‘lgan futbolchini qidiradi.
Qolaversa, futbolchi Ispaniya chempionatida o‘ynashi kerak.
