Erling Xoland "Manchester Siti"ga o‘tishga rozi bo‘ldi.
The Athletic xabariga ko‘ra, tomonlar futbolchining shaxsiy shartnomasi bo‘yicha dastlabki tafsilotlarni kelishib olishgan.
Ingliz klubi endi “Borussiya” bilan transfer summasini kelishib olishi, shuningdek, norvegiyalik agent Mino Rayolaning bonus pulini kelishib olishi kerak.
Oldinroq Xolandning "Siti" bilan shartnomasi 5 yilga mo‘ljallangani, uning maoshi esa haftasiga 500 ming funt bo‘lishi xabar qilingandi.
Agar transfer amalga oshsa, Xoland APLning eng ko‘p maosh oluvchi futbolchisiga aylanadi va haftasiga 385 ming maosh oladigan "Manchester Siti" yarim himoyachisi Kevin de Bryuyneni ortda qoldiradi.
Daily Mail nashrining yozishicha, "shaharliklar" Xoland uchun 63 million funt sterling (76 million yevro) to‘laydilar va agar hammasi reja bo‘yicha ketsa, transfer yaqin haftalarda yakunlanadi.
