Madridning “Real” klubi “Nyukasl” yarim himoyachisi Bruno Gimarayshga qiziqish bildirmoqda, deya xabar beradi AS.
Manbaning xabariga ko‘ra, Madrid klubi 24 yoshli braziliyalikni yarim himoyani qayta qurish bo‘yicha yangi kelganlardan biri sifatida ko‘rmoqda.
Eslatib o‘tamiz, 2022 yilning 30 yanvarida Gimaraysh 42 million yevro evaziga "Lion"dan "Nyukasl"ga o‘tgan edi.
Joriy mavsumda u 12 ta o‘yinda maydonga tushib, 3 ta gol urdi va 1 ta golli uzatmani amalga oshirdi. Uning klub bilan shartnomasi 2026 yilning 30 iyuniga qadar mo‘ljallangan.













