«Manchester Yunayted» klubi sobiq himoyachisi Gari Nevill futbolchilardagi muammolar haqida gapirdi.

"O‘yinchilar o‘zlariga bo‘lgan ishonchni to‘la yo‘qotib bo‘lishdi. Ular hozirda «Manchester Yunayted» uchun to‘p tepishni istashmayapti. Ular klub safida o‘ynashni istashmaydi, demoqchi emasman, ular futbol o‘ynashni xohlashmayapti. Ular shunchaki mavsum yakunlanishini kutishmoqda.

Futbolchilar mashg‘ulot o‘tkazishayotganida, maydonga chiqishganida va o‘ynayotganlarida bu narsa ularning ko‘zlaridan ma’lum bo‘lib turibdi. Bu o‘yinlar o‘tkazilishini shunchaki istashmoqda. Ammo buni "MYU"da yashirishning imkoni yo‘q. Shanba kuni jamoani "Arsenal", payshanba kuni esa "Chelsi"ga qarshi o‘yinlar kutib turibdi. Barcha e’tibor futbolchilarga qaratiladi, ular uyg‘onishlari, o‘zlarida nimadir topa olishlari kerak.

Ehtiyot bo‘lib gapirishni istardim, ammo klubda hozir ro‘y berayotgan voqealar — mag‘lubiyatlar, tanqidlar, fanatlarning hushtakbozligi ba’zi futbolchilarni ruhan sindirib, buning ta’siri uzoq muddatli bo‘lishi mumkin. Ten Xag ularni qayta tiklay olish masalasini hal qilishiga to‘g‘ri keladi. Ularning ayrimlari tiklana olmaydi. Ha, bu shunchalar yomon.

Turli yo‘nalishlarda katta ishlar qilish kerak. Avvalo murabbiy kimni jamoada olib qolish masalasini hal qilib olishi kerak. Shundan keyin kimni taklif qilishni o‘ylab ko‘radi. Shundan keyingina jamoadagi ruhiyat o‘sa boshlaydi", – dedi Nevill "Sky Sports"ga bergan intervyusida.