O‘zbekiston Professional Futbol Ligasi bosh direktori Diyor Imomxo‘jayev yurtimizda bolalar futbolida sifatni oshirish borasida O‘FAni tanqid qildi.

"O‘zbekistonda bolalar futbolida sifatni oshirishni chindan ham istasak asosiy haqiqat shunday: futbol vazirliklar tomonidan emas, O‘zbekiston futbol assosiasiyasi tomonidan o‘rganilishi, tahlil qilinishi hamda boshqarilishi kerak.

Vazirlikning vazifasi bunda O‘zbekiston futbol assosiasiyasini moliyaviy tomondan qo‘llab-quvvatlash hamda FIFA talablari asosida moddiy-texnik bazani shakllantirishga ko‘mak berish.

Vazirlikda futbol tahlilchilari yo‘q va kadrlar FIFA talablari bilan tanish emas. Futboli rivojlangan har qanday mamlakatda futbol aynan assosiasiyalar tomonidan tartibga solinadi. Shundan kelib chiqib, FIFA ham O‘zbekistonda faqatgina bitta tashkilotni — O‘zbekiston futbol assosiasiyasini tan oladi.

Afsuski, oradan shuncha vaqt o‘tsa-da, mazkur masala to‘la tartibga solinmayapti. Qachonki futbolni rivojlantirish istagi manfaatlar to‘qnashuvidan ustun kelsa, shunda biror ijobiy o‘zgarishdan umid qilish mumkin."

P.S. Jonli efirda taniqli sharhlovchi Mirzahakim aka bilan tortishib qolganimizda ham aynan shu masala yotadi (afsuski, odamlar ba’zida fikr yoki g‘oyalar qolib, shaxslarni muhokama qilishga o‘tib ketadi). Biz farqli ravishda bu temani ipidan ignasiga qadar bilamiz. Muammolar aynan nimalarda ekanini ham ko‘rsatib bera olamiz. Ishonamanki, qachondir tizimli muammolarni ham to‘g‘rilaymiz. Faqat vaqt kerak. Rostmanasiga oson bo‘lmayapti." - deyiladi Diyor Imomxo‘jayevning telegram-kanalida yozilgan postda.