Argentinalik taniqli sobiq hujumchi Ernan Krespo «Lasio» va Italiya terma jamoasi hujumchisi Chiro Immobilening o‘yinini tanqid qiladigan odamlarni tushunmasligini aytdi.
«Immobileni tanqid qilganlarga nima deyishim mumkin? Shunchaki, statistik ma’lumotlarni ko‘rib chiqib, hisob-kitob qilishlarini taklif qilgan bo‘lardim», — dedi argentinalik mutaxassis. - Chiro kabi hujumchi futbolda kam uchraydi. U «Lasio» uchun shunchaki fundamental shaxs», - deydi 2000 yildan 2002 yilgacha Rim klubida o‘ynagan Krespo.
Eslatib o‘tamiz, joriy mavsumda Immobile «Lasio» tarixidagi eng yaxshi to‘purarga aylandi. U yaqinda «burgutlar» safida ushbu mavsumdagi barcha musobaqalardagi 30-golini urdi.
