Аргентиналик таниқли собиқ ҳужумчи Эрнан Креспо «Лацио» ва Италия терма жамоаси ҳужумчиси Чиро Иммобиленинг ўйинини танқид қиладиган одамларни тушунмаслигини айтди.

«Иммобилени танқид қилганларга нима дейишим мумкин? Шунчаки, статистик маълумотларни кўриб чиқиб, ҳисоб-китоб қилишларини таклиф қилган бўлардим», — деди аргентиналик мутахассис. - Чиро каби ҳужумчи футболда кам учрайди. У «Лацио» учун шунчаки фундаментал шахс», - дейди 2000 йилдан 2002 йилгача Рим клубида ўйнаган Креспо.

Эслатиб ўтамиз, жорий мавсумда Иммобиле «Лацио» тарихидаги энг яхши тўпурарга айланди. У яқинда «бургутлар» сафида ушбу мавсумдаги барча мусобақалардаги 30-голини урди.