"Lasio" bosh murabbiyi Maurisio Sarri "Milan"ga qarshi o‘yin (1:2) haqida o‘z fikrlari bilan o‘rtoqlashdi.
“O‘yinning hal qiluvchi pallasida, o‘zimizga katta bosim bo‘lmaganida xatoga yo‘l qo‘ydik.
Biz birinchi bo‘limni ajoyib o‘tkazdik, biroq ko‘plab futbolchilarimiz sog‘lig‘i bilan bog‘liq muammolar tufayli ular to‘liq 90 daqiqaga chidashga qiynaldi va bu o‘z rolini o‘ynadi", dedi Sarri DAZN nashriga bergan intervyusida.
“Lasio” ustozi ham hakamlikdan noroziligini bildirdi: "Hakamlik haqidagi savolga javob tanqidni qanchalik ochiq aytishimga bog‘liq. Hakamlarning bugungi ishini hamma ko‘rdi. Balki tarafkashlik qilgandirman, lekin ba’zida hakam bir tomonga hushtak chaladi".