«Manchester Yunayted» Angliya chempionatining navbatdagi o‘yinida Londonning «Chelsi» jamoasiga qarshi o‘yinda olti nafar futbolchisiz o‘ynashga majbur bo‘ladi.
O‘yindan oldingi matbuot anjumanida «mankunianliklar» bosh murabbiyi Ralf Rangnik himoyachilar Xarri Maguayr va Lyuk Shou, yarim himoyachilar Pol Pogba, Jeydon Sancho va Fred, shuningdek, hujumchi Edinson Kavani «aristokratlar» bilan o‘yinni o‘tkazib yuborishini tasdiqladi.
Rangnik o‘ng qanot himoyachisi Aaron Van-Bissakaning ham bahsdagi ishtiroki so‘roq ostida qolayotganini ta’kidladi.