"Vulverxempton" "Valensiya" hujumchisi Gonsalo Gedeshga qiziqish bildirmoqda.

The Telegraph xabariga ko‘ra, ingliz klubi 25 yoshli portugaliyalikni yozgi transfer oynasida o‘z safiga qo‘shib olish imkoniyatini ko‘rib chiqmoqda. Bitim "bo‘rilar"ga taxminan 15 million funtga tushishi kutilmoqda, chunki futbolchining "Valensiya" bilan shartnomasi tugashiga bir yil bor.

2021/22 yilgi mavsumda Gedesh “Valensiya” safida 37 ta o‘yinda maydonga tushib, 13 ta gol urdi va 6 ta golli uzatmani amalga oshirdi.

Transfermarkt.com portali futbolchining narxini 36 million funtga baholagan.