"Inter"ning sobiq darvozaboni Valter Zenga "Bolonya" jamoasiga qarshi o‘yinning ikkinchi yarmida qo‘pol xatoga yo‘l qo‘ygan "neradzurrilar" posboni Yonus Raduni himoya qildi.
Aynan Raduning xatosi evaziga "Bolonya" hujumchisi Nikola Sansone gol kiritib, "Inter"ning 1:2 hisobida minimal mag‘lubiyatini "ta’minladi".
“Bu shubhasiz Raduning xatosi. Lekin hamma narsada Raduni ayblash noto‘g‘ri. Bu juda oson. Agar «Inter» Skudettoni qo‘ldan chiqarsa, bu Radu tufayli bo‘lmaydi», - dedi Zenga Football Italia nashriga.
Eslatib o‘tamiz, hozirda “Inter” A Seriya turnir jadvalida “Milan”dan ikki ochko ortda qolmoqda. Simone Indzagi shogirdlari dam olish kunlari safarda “Udineze”ni mehmoni bo‘ladi.
