"Интер"нинг собиқ дарвозабони Валтер Зенга "Болонья" жамоасига қарши ўйиннинг иккинчи ярмида қўпол хатога йўл қўйган "нерадзуррилар" посбони Йонуц Радуни ҳимоя қилди.
Айнан Радунинг хатоси эвазига "Болонья" ҳужумчиси Никола Сансоне гол киритиб, "Интер"нинг 1:2 ҳисобида минимал мағлубиятини "таъминлади".
“Бу шубҳасиз Радунинг хатоси. Лекин ҳамма нарсада Радуни айблаш нотўғри. Бу жуда осон. Агар «Интер» Скудеттони қўлдан чиқарса, бу Раду туфайли бўлмайди», - деди Зенга Football Italia нашрига.
Эслатиб ўтамиз, ҳозирда “Интер” А Серия турнир жадвалида “Милан”дан икки очко ортда қолмоқда. Симоне Индзаги шогирдлари дам олиш кунлари сафарда “Удинезе”ни меҳмони бўлади.
