Fransiya chempionatining 35-turi“Strasburg” – “PSJ” uchrashuvi bilan boshlandi.
Aftidan, chempionlikni muddatdan oldin hal qilgan parijliklar biroz xotirjamlikka berilishdi shekilli, o‘yin debyutidayoq gol o‘tkazib yuborishdi.
"Strasburg" futbolchisi Kevin Gameyro o‘yinning ikkinchi daqiqasidayoq "PSJ" darvozasini ishg‘ol qildi va u uchun bu Yevropaning "kuchli beshlik" chempionatlaridagi 160-goliga aylandi va Gameyro bu ko‘rsatkich bo‘yicha 21 asrda fransiyalik futbolchilar orasida uchinchi o‘ringa ko‘tarildi.
21 asrda fransiyalik futbolchilardan faqatgina Karim Benzema 260 ta, Tyerri Anri 180 ta gol kiritishgan.
