Xabar berib o‘tganimizdek, La Liganing 34-turida «Espanyol» jamoasini mag‘lub etgan «Real» klubi Ispaniya chempioniga aylandi.

Bu «qaymoqranglilar»ning Ispaniya chempionatidagi 35-chempionlik unvoni bo‘ldi. Bu ko‘rsatkich bo‘yicha «Real» Yevropaning "kuchli beshlik" chempionatlari orasida Turinning «Yuventus» jamoasini ortda qoldirib, birinchi o‘ringa chiqib oldi.

Klub prezidenti Florentino Peres uchun bu kubok yubiley bo‘ldi, u Madrid superklubini boshqarganidan beri klub safidagi 50-sovrinni qo‘lga kiritdi.

Peres ilk bor 1995 yilda «Real» prezidentligi uchun kurashgan, biroq keyin saylovda mag‘lub bo‘lgan. Biroq, 2000 yil iyul oyida u baribir «Real» prezidenti bo‘ldi.