"Barselona" bosh murabbiyi Xavi uch oydan so‘ng maydonga qaytgan hujumchi Ansu Fatining o‘yiniga yuqori baho berdi. Kataloniyaliklar La Liganing 34-turida “Malyorka”ni mag‘lub etishdi (2:1).

“Men undan juda mamnunman. U bu mavsumda imkon qadar tezroq tuzalib, maydonga qaytishga harakat qildi. U o‘zgacha futbolchi va har o‘yinda g‘alaba qozona oladigan futbolchi, ammo unga ko‘proq e’tibor kerak", - deya Xavining so‘zlarini keltiradi Marca.

Futbolchi oxirgi marta 20-yanvar kuni maydonga tushgan edi.

Joriy mavsumda Fati “Barselona” safida 10 ta o‘yinda maydonga tushib, 5 ta gol urdi va 1 ta golli uzatmani amalga oshirdi.