"Барселона" бош мураббийи Хави уч ойдан сўнг майдонга қайтган ҳужумчи Ансу Фатининг ўйинига юқори баҳо берди. Каталонияликлар Ла Лиганинг 34-турида “Мальорка”ни мағлуб этишди (2:1).

“Мен ундан жуда мамнунман. У бу мавсумда имкон қадар тезроқ тузалиб, майдонга қайтишга ҳаракат қилди. У ўзгача футболчи ва ҳар ўйинда ғалаба қозона оладиган футболчи, аммо унга кўпроқ эътибор керак", - дея Хавининг сўзларини келтиради Маrcа.

Футболчи охирги марта 20-январ куни майдонга тушган эди.

Жорий мавсумда Фати “Барселона” сафида 10 та ўйинда майдонга тушиб, 5 та гол урди ва 1 та голли узатмани амалга оширди.