"Leypsig" hujumkor yarim himoyachisi Kristofer Nkunku yozgi transfer oynasida jamoani tark etmoqchi, deya xabar berdi L'Equipe.

Ma’lumotlarga ko‘ra, 24 yoshli fransiyalik futbolchini "Leypsig" qo‘yib yubormoqchi emas. Ammo unga qiziqish bildirayotgan "Manchester Yunayted", "Manchester Siti" va "PSJ" klubilaridan biri uning transfer narxini to‘lab, futbolchini o‘z safiga qo‘shib olish imkoniga ega.

Nkunku joriy mavsum barcha turnirlarda 48 ta o‘yinda maydonga tushib, 31 ta gol urdi va 20 ta golli uzatma amalga oshirdi. Transfermarkt portali uni 65 million yevroga baholagan.