“Yuventus” hujumchisi Paulo Dibalaga Dortmundning “Borussiya” klubi qiziqish bildirmoqda. Bu haqda Corriere dello Sport xabar bermoqda.

Paulo Dibalaning shartnomasi yozda tugaydi va bu bitim hali uzaytirilmagan. Manbaga ko‘ra, dortmundliklar argentinalik futbolchiga yiliga 4,5 million yevro maosh taklif qilishga tayyor.

Avvalroq, Dibalaning huquqlarini himoya qiluvchi agenti Xorxe Antun boshqa klublar bilan hozircha muzokaralar olib borilmayotganini aytgandi.

28 yoshli Dibala joriy mavsum A Seriyada 26 ta o‘yinda maydonga tushib, 9 ta gol va 5 ta golli uzatmani amalga oshirdi.