“Ювентус” ҳужумчиси Пауло Дибалага Дортмунднинг “Боруссия” клуби қизиқиш билдирмоқда. Бу ҳақда Corriere dello Sport хабар бермоқда.
Пауло Дибаланинг шартномаси ёзда тугайди ва бу битим ҳали узайтирилмаган. Манбага кўра, дортмундликлар аргентиналик футболчига йилига 4,5 миллион евро маош таклиф қилишга тайёр.
Аввалроқ, Дибаланинг ҳуқуқларини ҳимоя қилувчи агенти Хорхе Антун бошқа клублар билан ҳозирча музокаралар олиб борилмаётганини айтганди.
28 ёшли Дибала жорий мавсум А Серияда 26 та ўйинда майдонга тушиб, 9 та гол ва 5 та голли узатмани амалга оширди.