"Manchester Yunayted" "Sporting" himoyachisi Gonsalu Inasiuni o‘z safiga qo‘shib olmoqchi, deb xabar beradi Sport Witness Correio da Manh nashriga tayanib.
Manba bergan xabarga ko‘ra, "Manchester Yunayted" hozircha portugal klubiga 20 yoshli portugaliyalikni sotib olish bo‘yicha rasmiy taklif bilan chiqmagan.
Qayd etilishicha, “Sporting” himoyachini sotmoqchi emas, chunki bosh murabbiy Ruben Amorim uning keyingi mavsumda ham qolishini istamoqda.
Shu bilan birga portugaliyalik Inasiuni 45 million yevrodan kamiga sotmaydi. Ushbu kompensasiya miqdori shartnomada yozilgan.
Inasiu joriy mavsum “Sporting” safida 42 ta o‘yinda maydonga tushib, 5 ta gol va 2 ta golli uzatmani amalga oshirdi. Himoyachining klub bilan shartnomasi 2026 yilning 30 iyuniga qadar amal qiladi.
