"Манчестер Юнайтед" "Спортинг" ҳимоячиси Гонсалу Инасиуни ўз сафига қўшиб олмоқчи, деб хабар беради Sport Witness Correio da Manh нашрига таяниб.
Манба берган хабарга кўра, "Манчестер Юнайтед" ҳозирча португал клубига 20 ёшли португалияликни сотиб олиш бўйича расмий таклиф билан чиқмаган.
Қайд этилишича, “Спортинг” ҳимоячини сотмоқчи эмас, чунки бош мураббий Рубен Аморим унинг кейинги мавсумда ҳам қолишини истамоқда.
Шу билан бирга португалиялик Инасиуни 45 миллион евродан камига сотмайди. Ушбу компенсация миқдори шартномада ёзилган.
Инасиу жорий мавсум “Спортинг” сафида 42 та ўйинда майдонга тушиб, 5 та гол ва 2 та голли узатмани амалга оширди. Ҳимоячининг клуб билан шартномаси 2026 йилнинг 30 июнига қадар амал қилади.
