Dortmundning “Borussiya” klubi hujumchisi Erling Xoland yozda “Manchester Siti”ga o‘tishi mumkin, deb xabar beradi ESPN.

Manbaga ko‘ra, "Siti" bir necha hafta davomida norvegiyalikning agentlari bilan muzokara olib bormoqda. Unga ko‘ra, iyun oyiga qadar “shaharliklar” nemis klubiga 75 million yevro to‘lashi kerak bo‘ladi. Qayd etilishicha, futbolchining maoshi haftasiga taxminan 440 ming yevroni tashkil qiladi.

Ma’lumot uchun, jamoada Kevin de Bryuyne ham xuddi shunday miqdorda maosh oladi.

21 yoshli hujumchi joriy mavsumda 28 ta o‘yinda maydonga tushib, 28 ta gol urdi va 8 ta golli uzatmani amalga oshirdi.