Дортмунднинг “Боруссия” клуби ҳужумчиси Эрлинг Холанд ёзда “Манчестер Сити”га ўтиши мумкин, деб хабар беради ESPN.

Манбага кўра, "Сити" бир неча ҳафта давомида норвегияликнинг агентлари билан музокара олиб бормоқда. Унга кўра, июнь ойига қадар “шаҳарликлар” немис клубига 75 миллион евро тўлаши керак бўлади. Қайд этилишича, футболчининг маоши ҳафтасига тахминан 440 минг еврони ташкил қилади.

Маълумот учун, жамоада Кевин де Брюйне ҳам худди шундай миқдорда маош олади.

21 ёшли ҳужумчи жорий мавсумда 28 та ўйинда майдонга тушиб, 28 та гол урди ва 8 та голли узатмани амалга оширди.