Ispaniyalik himoyachi Sesar Aspilikueta Londonning “Chelsi” klubini tark etishga yaqin turibdi. OAV xabariga ko‘ra, 32 yoshli futbolchi vataniga qaytmoqda.

AS xabariga ko‘ra, tajribali futbolchi yaqin orada "Barselona" bilan shartnoma imzolaydi. Kataloniyaliklar allaqachon u bilan muzokaralar olib borgan va shartnoma borasida kelishib olgan. Aspilikueta ispan klubi bilan yiliga 13 million yevrolik maosh bilan ikki yillik shartnoma imzolaydi.

Sesar 2012 yilning yozidan beri "arsitokratlar" safida to‘p tepmoqda, uning amaldagi shartnomasi 2022/2023 yilgi mavsum oxirida tugaydi.

Himoyachi joriy mavsumda APLda 23 ta o‘yinda maydonga tushib, 1 ta gol va 2 ta golli uzatmaga mualliflik qilgan.