Испаниялик ҳимоячи Сесар Аспиликуэта Лондоннинг “Челси” клубини тарк этишга яқин турибди. ОАВ хабарига кўра, 32 ёшли футболчи ватанига қайтмоқда.

AS хабарига кўра, тажрибали футболчи яқин орада "Барселона" билан шартнома имзолайди. Каталонияликлар аллақачон у билан музокаралар олиб борган ва шартнома борасида келишиб олган. Аспиликуэта испан клуби билан йилига 13 миллион евролик маош билан икки йиллик шартнома имзолайди.

Сесар 2012 йилнинг ёзидан бери "арситократлар" сафида тўп тепмоқда, унинг амалдаги шартномаси 2022/2023 йилги мавсум охирида тугайди.

Ҳимоячи жорий мавсумда АПЛда 23 та ўйинда майдонга тушиб, 1 та гол ва 2 та голли узатмага муаллифлик қилган.