Xabaringiz bor, ayni kunlarda Gresiyaning Iraklion shahrida og‘ir atletika bo‘yicha yoshlar o‘rtasida Jahon chempionati bo‘lib o‘tmoqda. Kecha 89 kg vazn toifasida erkaklar o‘rtasidagi kurash yakuniga yetdi. Ushbu vaznda yurtimiz sharafini Hojiakbar Olimov himoya qildi.

Siltab ko‘tarish mashqida faqatgina ukrainalik Maksim Dombrovski Hojiakbar Olimovdan yuqoriroq o‘rinni band etdi. 2-o‘rinni band etgan hamyurtimiz kumush medalga sazovor bo‘ldi.

Dast ko‘tarish mashqida Hojiakbar Olimovga biroz omad yetishmadi va 4-o‘rinni egalladi.

Shu tariqa, o‘g‘ir atletikachimiz terma jamoamiz hisobiga yana bir medalni qo‘shib qo‘ydi.

Ma’lumot uchun og‘ir atletika bo‘yicha yoshlar o‘rtasidagi Jahon chempionati 10 mayga qadar davom etadi.