"Tottenxem"ga qarshi Shimoliy London derbisidagi 3 ochko "Arsenal"ga kelasi mavsumda Chempionlar ligasi yo‘llanmasini kafolatlaydi. Endilikda “kanonirlar” va “shporlar” o‘rtasidagi farq chempionat tugashiga uch tur qolganda to‘rt ochkoga yetdi. "Tottenxem" stadionida g‘alaba qozongan taqdirda, oradagi farq 7 ochkogacha oshadi, bu Artetaning shogirdlariga top-4 o‘rinni egallashini kafolatlaydi.

"Arsenal" va "Tottenxem" o‘rtasidagi London derbisi 12 may payshanba kuni Toshkent vaqti bilan 23:45 da bo‘lib o‘tadi. Qolaversa, Arteta shogirdlari keyingi turlarda “Nyukasl” va “Everton”ga qarshi maydonga tushadi.

Eslatib o‘tamiz, "Arsenal" oxirgi marta 2015/16 yilgi mavsumni Chempionlar Ligasi zonasida yakunlagan, o‘shanda ular chempionatni ikkinchi o‘rinda yakunlagandi.