"Bavariya" hujumchisi Robert Levandovski yozgi transfer oynasidagi "Barselona"ning asosiy maqsadiga aylandi, deya xabar berdi Marca.

Shunga qaramay, hujumchini transfer qilish katalonlarga oson bo‘lmaydi. "Bavariya" polyakni mavsum oralig‘ida qo‘yib yuborish niyatida emas.

Futbolchining shartnomasi 2023 yilning yoziga qadar mo‘ljallangan.

33 yoshli hujumchining o‘zi "Bavariya"ni tark etmoqchi.

"Barsa" kelishuvni qiyin deb biladi, ammo imkonsiz emas. Levandovskini taklif qilish g‘oyasi prezident Joan Laporta va murabbiy Xavi tomonidan ma’qullangan.

Futbolchining agenti Pini Zaxavi transfer amalga oshishi uchun faol ishlamoqda. Zaxavining fikricha, “Bavariya”ni muzokara boshlashga ko‘ndirish mumkin, transfer esa 40 million yevrodan ko‘p bo‘lmagan miqdorda kelishib olinadi.