"Бавария" ҳужумчиси Роберт Левандовски ёзги трансфер ойнасидаги "Барселона"нинг асосий мақсадига айланди, дея хабар берди Marca.
Шунга қарамай, ҳужумчини трансфер қилиш каталонларга осон бўлмайди. "Бавария" польякни мавсум оралиғида қўйиб юбориш ниятида эмас.
Футболчининг шартномаси 2023 йилнинг ёзига қадар мўлжалланган.
33 ёшли ҳужумчининг ўзи "Бавария"ни тарк этмоқчи.
"Барса" келишувни қийин деб билади, аммо имконсиз эмас. Левандовскини таклиф қилиш ғояси президент Жоан Лапорта ва мураббий Хави томонидан маъқулланган.
Футболчининг агенти Пини Захави трансфер амалга ошиши учун фаол ишламоқда. Захавининг фикрича, “Бавария”ни музокара бошлашга кўндириш мумкин, трансфер эса 40 миллион евродан кўп бўлмаган миқдорда келишиб олинади.
