"PSJ" vingeri Anxel di Mariya OAV vakillariga kelajagi haqida gapirdi. 34 yoshli futbolchining fransuz klubi bilan amaldagi shartnomasi mavsum oxirida yakuniga yetadi.
"Rejalarimga kelsak, 2022 yilgi jahon chempionatiga borish uchun yana bir yilni Yevropada o‘tkazmoqchiman. Men OAV e’tiborida bo‘lishim va o‘zimni imkon qadar yaxshi ko‘rsatishim kerak. Shundan so‘ng vatanimga qaytishim mumkin.
"PSJ"? Bu yerda qolamanmi, bilmayman. Men Yevropadan boshqa takliflarni ko‘rib chiqishga tayyorman", - deydi argentinalik futbolchi.
Anxel 2015 yildan beri "PSJ"da o‘ynab kelmoqda. Joriy mavsumda u Liga 1da 24 ta o‘yinda maydonga tushib, 3 ta gol va 6 ta golli uzatmaga mualliflik qilgan.
