"ПСЖ" вингери Анхель ди Мария ОАВ вакилларига келажаги ҳақида гапирди. 34 ёшли футболчининг француз клуби билан амалдаги шартномаси мавсум охирида якунига етади.
"Режаларимга келсак, 2022 йилги жаҳон чемпионатига бориш учун яна бир йилни Европада ўтказмоқчиман. Мен ОАВ эътиборида бўлишим ва ўзимни имкон қадар яхши кўрсатишим керак. Шундан сўнг ватанимга қайтишим мумкин.
"ПСЖ"? Бу ерда қоламанми, билмайман. Мен Европадан бошқа таклифларни кўриб чиқишга тайёрман", - дейди аргентиналик футболчи.
Анхель 2015 йилдан бери "ПСЖ"да ўйнаб келмоқда. Жорий мавсумда у Лига 1да 24 та ўйинда майдонга тушиб, 3 та гол ва 6 та голли узатмага муаллифлик қилган.
