"Nyukasl Yunayted" "Napoli" hujumchisi Viktor Osimxen uchun taklif bilan chiqdi, deb xabar beradi Calciomercato.
Neapolliklar rahbariyati angliyaliklar taklifidan bosh tortdi, chunki ularni ingliz klubi 23 yoshli nigeriyalik uchun taklif qilgan mablag‘ qoniqtirmadi. "Napoli" Osimxenni kamida 100 million yevroga sotishga tayyor.
Hujumchiga “Manchester Yunayted” ham da’vogar. Ammo mankunianliklar rahbariyati so‘ralgan summani to‘lashga tayyor emas.
Osimxen joriy mavsum “Napoli” safida 30 ta o‘yinda maydonga tushib, 17 ta gol urdi va 6 ta golli uzatmani amalga oshirdi.
Uning klub bilan shartnomasi 2025 yilning iyunigacha mo‘ljallangan.
