"Chelsi" va Angliya terma jamoasining sobiq himoyachisi Eshli Koul 2020 yilning yanvar oyida boshdan kechirgan o‘g‘irlik haqida gapirdi.
Sobiq futbolchi o‘g‘irlik vaqtida o‘limni kutganini va farzandlarini boshqa ko‘ra olmasligini o‘ylaganini tan oldi.
“Men eshik taqillaganini va deraza tashqarisidagi tovushlarni eshitdim, keyin yotoqxonaning devorlari titrayotgandek bo‘ldi. Keyinroq kimdir mening balkonimga narvon ko‘tarib kelayotganini ko‘rdim va Sheronga polisiyani chaqirishni aytdim. Ular meni ushlab, qo‘llarimni bog‘lashdi va tizzalab o‘tirishimni buyurishdi", - dedi Koul Sky Sports bilan suhbatda.
Koul 2019 yilda professional futbolchilik faoliyatini yakunlagan. Himoyachining oxirgi ish klubi “Derbi Kaunti” edi. Angliyalik futbolchi 2012 yilda Chempionlar ligasida g‘olib chiqqan “Chelsi”da ko‘p o‘yinlarini o‘tkazdi.
Shuningdek, futbolchi Italiyaning “Roma”si va Londonning “Arsenal” klublarini himoya qildi.
