"Челси" ва Англия терма жамоасининг собиқ ҳимоячиси Эшли Коул 2020 йилнинг январь ойида бошдан кечирган ўғирлик ҳақида гапирди.

Собиқ футболчи ўғирлик вақтида ўлимни кутганини ва фарзандларини бошқа кўра олмаслигини ўйлаганини тан олди.

“Мен эшик тақиллаганини ва дераза ташқарисидаги товушларни эшитдим, кейин ётоқхонанинг деворлари титраётгандек бўлди. Кейинроқ кимдир менинг балконимга нарвон кўтариб келаётганини кўрдим ва Шеронга полицияни чақиришни айтдим. Улар мени ушлаб, қўлларимни боғлашди ва тиззалаб ўтиришимни буюришди", - деди Коул Sky Sports билан суҳбатда.

Коул 2019 йилда профессионал футболчилик фаолиятини якунлаган. Ҳимоячининг охирги иш клуби “Дерби Каунти” эди. Англиялик футболчи 2012 йилда Чемпионлар лигасида ғолиб чиққан “Челси”да кўп ўйинларини ўтказди.

Шунингдек, футболчи Италиянинг “Рома”си ва Лондоннинг “Арсенал” клубларини ҳимоя қилди.