"Aston Villa" bosh murabbiyi Stiven Jerrard yarim himoyachi Filippe Koutinyoning kelajagi haqida fikr bildirdi.

Braziliyalik futbolchi "Barselona"ga tegishli bo‘lgan ingliz klubida ijara asosida o‘ynamoqda. “Aston Villa” futbolchini 40 million yevroga sotib olishi mumkin.

"Qaytaraman, men Koutinyoning "Aston Villa"da abadiy qolishini juda xohlayman. Biz uni saqlab qolishga harakatni davom ettiryapmiz", - deya Jerrardning so‘zlaridan iqtibos keltirgan jurnalist Fabrisio Romano.

Qayd etish joiz, yarim himoyachi 2018 yilning 8 yanvarida 140+60 million yevro evaziga “Liverpul”dan “Barselona”ga o‘tgan edi.

Joriy mavsumda u “Aston Villa” safida 15 o‘yinda 4 ta gol urdi va 3 ta golli uzatmani amalga oshirdi, shuningdek, “Barselona” safida 16 ta uchrashuvda 2 ta gol urdi.