"Астон Вилла" бош мураббийи Стивен Жеррард ярим ҳимоячи Филиппе Коутиньонинг келажаги ҳақида фикр билдирди.
Бразилиялик футболчи "Барселона"га тегишли бўлган инглиз клубида ижара асосида ўйнамоқда. “Астон Вилла” футболчини 40 миллион еврога сотиб олиши мумкин.
"Қайтараман, мен Коутиньонинг "Астон Вилла"да абадий қолишини жуда хоҳлайман. Биз уни сақлаб қолишга ҳаракатни давом эттиряпмиз", - дея Жеррарднинг сўзларидан иқтибос келтирган журналист Фабрицио Романо.
Қайд этиш жоиз, ярим ҳимоячи 2018 йилнинг 8 январида 140+60 миллион евро эвазига “Ливерпуль”дан “Барселона”га ўтган эди.
Жорий мавсумда у “Астон Вилла” сафида 15 ўйинда 4 та гол урди ва 3 та голли узатмани амалга оширди, шунингдек, “Барселона” сафида 16 та учрашувда 2 та гол урди.
