YECHL 2022/23 yilgi mavsumida ishtirok etishi aniq bo‘lgan jamoalar soni 19 taga yetdi

Yevropa Chempionlar Ligasi 2022/23 yilgi mavsumi guruh bosqichiga to‘g‘ridan-to‘g‘ri yo‘llanma qo‘lga kiritgan jamoalar soni 19 taga yetdi.

Ispaniya chempionatining 36-turida «Atletiko» «Elche» ustidan g‘alaba qozondi va ochkolari sonini 67 taga yetkazdi. Shu tariqa «matraschilar» YECHLga yo‘llanma beruvchi o‘rinlardan birini naqd qildi.

Niderlandiya chempionatida esa «Ayaks» musobaqa yakunlanishiga bir tur qolganda chempionga aylandi va keyingi mavsum Chempionlar Ligasida ishtirok etish huquqini qo‘lga kiritdi.

Chempionlar Ligasi 2022/23 yilgi mavsumi guruh bosqichiga yo‘llanmaolgan jamoalar: «Manchester Siti», «Liverpul» (ikkisi Angliya), «Real», «Barselona», «Atletiko» (barchasi Ispaniya), «Milan», «Inter», «Napoli», «Yuventus» (barchasi Italiya), «Bavariya», «Borussiya D», «Bayer» (barchasi Germaniya), «PSJ» (Fransiya), «Portu», «Sporting» (ikkisi Portugaliya), «Zalsburg» (Avstriya), «Seltik» (Shotlandiya), «Ayaks» (Niderlandiya) va «Shaxtyor» (Ukraina).