Европа Чемпионлар Лигаси 2022/23 йилги мавсуми гуруҳ босқичига тўғридан-тўғри йўлланма қўлга киритган жамоалар сони 19 тага етди.

Испания чемпионатининг 36-турида «Атлетико» «Элче» устидан ғалаба қозонди ва очколари сонини 67 тага етказди. Шу тариқа «матрасчилар» ЕЧЛга йўлланма берувчи ўринлардан бирини нақд қилди.

Нидерландия чемпионатида эса «Аякс» мусобақа якунланишига бир тур қолганда чемпионга айланди ва кейинги мавсум Чемпионлар Лигасида иштирок этиш ҳуқуқини қўлга киритди.

Чемпионлар Лигаси 2022/23 йилги мавсуми гуруҳ босқичига йўлланмаолган жамоалар: «Манчестер Сити», «Ливерпуль» (иккиси Англия), «Реал», «Барселона», «Атлетико» (барчаси Испания), «Милан», «Интер», «Наполи», «Ювентус» (барчаси Италия), «Бавария», «Боруссия Д», «Байер» (барчаси Германия), «ПСЖ» (Франция), «Порту», «Спортинг» (иккиси Португалия), «Зальцбург» (Австрия), «Селтик» (Шотландия), «Аякс» (Нидерландия) ва «Шахтёр» (Украина).