“Napoli” muxlislari o‘g‘irlangan mashinani klub bosh murabbiyi Luchano Spallettiga qaytarishga va’da berishdi, deb xabar beradi Ge.globo.

Manbaga ko‘ra, Italiya klubi muxlislari “Napoli” stadioni tashqarisiga “Spalletti, agar ketsang, mashinangni qaytarib beramiz” degan banner osib qo‘yishgan.

Avvalroq, klub prezidenti Aurelio De Laurentis Spallettini klub bosh murabbiyi lavozimida saqlab qolish niyatini tasdiqlagan edi.

Italiya chempionati yakunlanishiga ikki tur qolganida neapolliklar kelasi mavsum Chempionlar ligasida ishtirokini ta’minladi, biroq jamoa A Seriyada chempion bo‘lish imkoniyatini yo‘qotdi.