“Наполи” мухлислари ўғирланган машинани клуб бош мураббийи Лучано Спаллеттига қайтаришга ваъда беришди, деб хабар беради Ge.globo.

Манбага кўра, Италия клуби мухлислари “Наполи” стадиони ташқарисига “Спаллетти, агар кетсанг, машинангни қайтариб берамиз” деган баннер осиб қўйишган.

Аввалроқ, клуб президенти Аурелио Де Лаурентис Спаллеттини клуб бош мураббийи лавозимида сақлаб қолиш ниятини тасдиқлаган эди.

Италия чемпионати якунланишига икки тур қолганида неаполликлар келаси мавсум Чемпионлар лигасида иштирокини таъминлади, бироқ жамоа А Серияда чемпион бўлиш имкониятини йўқотди.