Futbol mutaxassisi Gari Nevill Chempionlar ligasi yo‘llanmasi uchun "Arsenal"ga qarshi kurashda "Tottenxem"ni afzal ko‘rishini aytdi.
"O‘ylaymanki, "Tottenxem" "Byornli"ni mag‘lub etadi, ammo "Arsenal" qolgan ikki o‘yinda g‘alaba qozonishiga ishonchim komil emas. Agar men kim bilandir garov o‘ynasam, "Tottenxem"ni yutib chiqadi deyman", - deydi Nevill Sky Sports nashriga.
12 may, payshanba kuni “Tottenxem” o‘z maydonida “kanonirlar”ni 3:0 hisobida mag‘lub etdi.
Har ikki klub Angliya chempionatining kuchli 4-taligidan joy olish uchun kurashmoqda.“Arsenal” chempionat tugashiga ikki tur qolganda “Tottenxem”dan bir ochkoga oldinda.
